بیر هفته اول یئنی کروناویروسا یولوخما ایله خسته‌خانایا چات‌دیریلان بریتانیانین باش ناظیری بوریس جانسون خسته‌خانا‌دان ائوه بوراخیلسا دا ایشینه قاییدا بیلمه‌یه‌جک. بو باره‌ده حکومت باشچی‌سی‌نین اوفیسی طرفیندن یاییلان بیاناتدا دئییلیر.

بیلدیریلیب کی، باش ناظیر خسته‌خانا‌دان ائوه بوراخیلیب و شهر خاریجینده یئرلشن ایقامتگاهیندا معالیجه‌سی داوام ائدیر.

سندده دئییلیر کی، حکیم‌لر قروپونون توصیه‌سی ایله باش ناظیر درحال ایشه قاییتمایا‌جاق:

“مقدس توماس خسته‌خاناسیندا آلدیغی یوکسک سویه‌لی یاردیم اوچون او، هر کسه تشککور ائتمک ایستییر. دوشونجه‌لری آرتیق خسته‌لیک‌دن تأثیرلنن هر کسین یانیندا‌دیر”.